Telexornal Galicia 2 - 04/08/15

Galicia é a segunda comunidade autónoma na que mais baixou o número de desempregados inscritos nos rexistros públicos e a que acadou unha maior porcentaxe de descenso do paro. O número de desempregados diminuíu, no pasado mes de xullo, en doce mil seiscentas noventa e unha  persoas, o que supón un descenso do cinco e medio por cento, respecto ao mes anterior // No Xulgado de Caldas que instrúe o caso do asasinato das dúas nenas de Moraña, presuntamente a mans do seu pai, prestaron hoxe declaración tres novas testemuñas. Trátase de persoas que figuran nas pescudas feitas, nun primeiro momento, pola Garda Civil e pertencen ao entorno familiar do pai das pequenas e presunto parricida // O Parlamento Galego aprobou hoxe a modificación  do finanzamento dos partidos políticos proposta polo PP.  Tamén a reforma do regulamento pactada entre os populares e o PSdeG-PSOE, e que contou co rexeitamento de BNG, AGE e o grupo Mixto. 04/08/15