Telexornal-Galicia 2 - 03/11/14

A borrasca que nos está a afectar deixou xa intensas precipitacións. Na zona coruñesa de Boiro acadáronse os 70 litros por metro cadrado. En Cedeira, tamén na costa coruñesa, o vento superou os 130 km/hora e as temperaturas baixaron dez graos, respecto ás que tiñamos hai unha semana // Arden dúas casas en Betanzos esta madrugada. Ao parecer un cepo de madeira que quedou prendido toda a noite nunha lareira, puido ser a causa do lume. Hai dous feridos leves entre eles a filla do dono das vivendas // O tamaño dos barcos que constrúen os estaleiros galegos estalles a impedir aproveitar os beneficios fiscais do novo Tax Lease, autorizado pola Unión Europea.  Mentres os vascos están a fabricar xa buques duns 40 millóns de custe, os de Vigo aínda non conseguiron ningún contrato novo con este sistema. 03/11/14