Telexornal-Galicia - 15/05/14

Galego o paso adiante é o lema que moveu hoxe a catro mil rapaces que se concentraron o pé do estadio de Riazor e que marcharon polas rúas da Coruña ata a Torre de Hércules no Correlingua. Unha ocasión para defender o uso do galego que cada vez falan menos nenos // A fiscalía abre expedientes a varios menores de Vigo por difundir por WhatsApp fotos íntimas dunha compañeira de trece anos. Entre os imputados están o exnoivo e algunha amiga da menor. A policía segue rastrexando os teléfonos desde os que reenviaron as imaxes, polo que poderían ampliarse as imputacións // A Xunta prepara un decreto coas medidas para aumentar a competencia nas gasolineiras, coma medida para abaratar os custes, actualmente 2 céntimos por riba da media de España, sobre todo nos gasóleos. 15/05/14