Telexornal Galicia - 06/10/15

O Rei está en Galicia, na Coruña nun congreso de empresarios  e directivos de grandes empresas e en Santiago para recibir o título de embaixador de honra do Camiño // Primeiras horas do tratamento que facilitará a morte da nena Andrea á que seus pais pediron que se lle retirara a alimentación asistida por estar nunha fase terminal da súa doenza // O garda civil que acompañou a Rosario Porto ao chalet de Teo cando investigaba a morte de Asunta Basterra dixo no xuízo que lle sorprendera a actitude da nai naquelas primeiras horas, que tivo que perseguila pola casa para localizar a papeleira na que apareceron panos e cordas que logo se converteron en probas no proceso xudicial // Un home de 55 anos mata á súa parella de 33 anos nun piso de Vigo. O agresor escribiu unha carta na que di que a matou a golpes antes el suicidarse // O interés da industria transformadora do peixe concéntrase estes dias en Conxemar, en Vigo, que prevé superar os 1.000 millóns de euros de negocio. 06/10/15