Telexornal Galicia - 02/07/19

O equipo de investigación de accidentes da Garda Civil reconstrúe en Vigo o grave sinistro no que morreran tres mozos de Redondela hai un mes // Pasa a disposición xudicial en Vigo unha muller acusada de sedar e acoitelar á moza da súa ex-parella tentando simular un suicidio // O paro descende en algo máis de cinco mil cincocentas persoas en Galicia en xuño e a cifra de desempregados sitúase na máis baixa desde o verán de 2008 // Larsa incrementa a súa capacidade de envasado de leite, en botella, cunha nova liña que inaugurou hoxe nas súas instalacións de Outeiro de Rei, en Lugo // O grupo parlamentario de En Marea no Parlamento Galego terá como único portavoz ao deputado Manuel Lago // Estudantes de vinte países comezan en Santiago os cursos de idioma e cultura galega // No que vai de ano morreron 17 persoas afogadas en Galica e, comezado xullo, moitas praias aínda seguen sen ter socorristas. 02/07/19