Telexornal Galicia - 14/12/16

A entrada do ave na cidade de Ourense vaise facer mediante unha variante por fóra da cidade. Confirmouno o Ministro de Fomento que hoxe dixo que foran malinterpretadas as súas declaracións nas que puña en dúbida o interés desa obra polo custe que supuña e o pouco tempo de viaxe que aforra // O consello de ministros da Unión Europea acorda menores recortes dos previstos para as cotas de pesca do ano que ven. A frota poderá pescar menos rapante no Gran Sol e pescada e xurelo no Cantábrico. Pola contra aumenta a xarda, o lirio e o peixe sapo en augas ibéricas. A frota do litoral sae mellor parada que a do Gran Sol // O Xulgado de Tui procesa a Miguel Rosendo, o fundador da seita dos miguelianos, por 25 delitos sexuais. Tamén responderá por delitos fiscais, por branqueo e asociación ilícita. Estes tres últimos delitos tamén se lle imputan a outros 16 integrantes ou colaboradores da congregación creada por Rosendo. 14/12/16