Telexornal Galicia 2 - 01/08/16

Esta tarde coñeceremos a data da celebración das eleccións autonómicas galegas. O Presidente da Xunta anunciou unha decisión que se fixo máis apremiante dende que, o pasado venres, o Lehendakari Íñigo Urkullu, convocou os comicios naquela comunidade para o 25 de setembro. Se as galegas se celebrasen na mesma data, a decisiòn tería que comunicarse hoxe // O Concello coruñés de Mugardos contará con novo alcalde e novo goberno municipal se prospera a moción de censura dos grupos da oposición contra o rexedor do Partido Popular, Juan Domingo de Deus. Está apoiada por Esquerda Unida, Iniciativa cidadá e o BNG que suman 8 concelleiros, fronte aos catro do PP // Medra o turismo en Galicia. No primeiro semetre do ano aumentou nun 6,5% o número de visitantes. A ocupación segundo datos da Xunta ronda o 80%, cun 35% de turistas estranxeiros. O goberno galego cree que se podería acadar a cifra récord na nosa comunidade de cinco millóns de turistas. 01/08/16